Os Bonos Corazón mobilizaron case un millón de euros en vendas no comercio e a hostalería locais
A primeira campaña dos Bonos Corazón deste ano xerou vendas por case un millón de euros en Santiago, cunha alta participación do comercio local e da hostalería.
22 Jun 2025
Os Bonos Corazón permitiron mobilizar case un millón de euros en vendas nos establecementos locais de Santiago, na primeira das dúas campañas previstas para este ano, que rematou o pasado luns. Dos 15.000 bonos descargados, utilizáronse case 13.200 no comercio e o resto na hostalería.
En total, as vendas xeradas polo uso dos Bonos Corazón ascenderon a 984.232,96 euros, dos que 744.840,61 euros foron abonados cos propios bonos. Desa cantidade, 300.000 euros foron achegados polo Concello.
Por sectores, o comercio concentrou 13.167 bonos e mobilizou 924.584,54 euros; mentres que a hostalería rexistrou o uso de 1.638 bonos cun volume de vendas de 59.648,42 euros. Un total de 541 establecementos adheríronse á iniciativa.