Os hoteis galegos ingresaron máis de 366 millóns de euros entre xaneiro e setembro
Os aloxamentos hoteleiros galegos ingresaron máis de 366 millóns de euros entre xaneiro e setembro deste ano, segundo os datos publicados este xoves polo Instituto Nacional de Estatística (INE).
Durante ese período, máis de 6 millóns de persoas visitaron Galicia, realizando máis de 11 millóns de noites, o que supón un incremento do 3,2 % en visitantes e do 2,6 % na demanda, cifras que superan a media española, situada no 1,5 %.
O segmento hoteleiro (hoteis e pensións) concentróu o 70 % da demanda total, con máis de 4,2 millóns de visitantes e un crecemento do 2,3 % respecto ao mesmo período de 2024. Os ingresos hoteleros acadaron os 366,4 millóns de euros, un 5,4 % máis ca o ano pasado.
Dentro da oferta de hospedaxe, o 56 % da demanda correspondeu aos hoteis e o 14 % ás pensións. O 30 % restante procede dos aloxamentos extrahoteleiros: un 11 % en cámpings, un 9 % en albergues, un 7 % en apartamentos turísticos e un 3 % en turismo rural.
Por mercados, o turismo nacional representou o 71 % da demanda, repartido entre o turismo interno (23 %) —viaxeiros residentes en Galicia— e o receptor nacional (48 %), procedente doutras comunidades autónomas. O mercado internacional, que supón o 29 % restante, acadou tamén máximos históricos, con máis de 3,3 millóns de noites.
Entre os países estranxeiros con maior crecemento destacan os Estados Unidos (+13,5 %), o Reino Unido (+13,3 %) e Alemaña (+2,1 %).
En canto á demanda nacional, tamén se rexistrou un récord histórico, con 5,36 millóns de noites entre xaneiro e setembro.
Só no mes de setembro, Galicia recibiu 878.106 visitantes, que realizaron máis de 1,5 millóns de noites, consolidando o bo ritmo de crecemento do turismo galego no último trimestre do ano.