As actividades fluviais do domingo trasládanse ás piscinas de Sete Muíños
As actividades fluviais gratuítas do vindeiro domingo 1 de agosto, previstas para Parga, realizaranse finalmente na piscina fluvial de Sete Muíños de Guitiriz. Tobogáns, kaiaks, paddle surf e rocódromos acuáticos, son algunhas das actividades das que todos os nenos e nenas que o desexen poderán disfrutar. O horario no que se levará a cabo será de 16 a 19 horas e os participantes contarán con monitores especializados, que lles ensinarán e cos que farán as diferentes actividades dispoñibles.
Levaranse a cabo todas as medidas sanitarias correspondentes -distancia de seguridade, desinfección, grupos reducidos, etc-. Desta maneira, os nenos e nenas maiores de 6 anos gozarán dunha tarde de río diferente, fresca e amena; na que se poderán xuntar veciños, veciñas e visitantes da vila.
