Saavedra recupera a festividade dos Milagres só con oficios relixiosos
O día 24 de maio celebrase un ano máis a romería da virxe dos Milagros de Saavedra, que recupera a súa programación relixiosa aínda que máis austera pola pandemia. A novena á virxe xa deu comezo o pasado venres 14 de maio e finalizará o sábado, con rezos ás 20.00 horas da tarde e misa media hora máis tarde.
Para a parroquia begontesa de Saavedra trátase da festa máis importante do ano coa celebración da festividade en honra á virxe dos Milagros, que reúne cada ano no santuario da localidade a centos de devotos, que aproveitan a data para facer unha andaina ata a igrexa. Este ano, redúcense os horarios e as celebracións serán unicamente relixiosas.
Comezarán o día 23, domingo, con misas ás 10:00h, 11:30 e 12:30h.
O día propio dos Milagres, as cerimonias relixiosas serán dende as 7.00 ás 13.30 horas pola mañá e de 18.00 a 21.00 pola tarde. O día 25 só haberá oficio ás 20:30h. Para o domingo seguinte, día 30, están previstas misas ás 10:00h, 11:30 e 12:30h.
Este ano non haberá animación musical e tampouco se permitirá a venda ambulante tal e como anunciaron dende o Concello, agás os que teñan licenza de camión tenda.
Dende a organización piden que se acuda de forma escalonada a este evento para evitar aglomeracións.
