Seis incendios activos en Ourense superan as 22.500 hectáreas queimadas
A Consellería do Medio Rural actualizou ás 14.00 horas deste xoves a situación dos incendios forestais en Galicia. Mantense a Situación 2 en toda a provincia de Ourense, o que implica unha maior mobilización de medios autonómicos, estatais e da Unidade Militar de Emerxencias (UME), así como a ampliación de quendas e axilización de trámites.
Lumes activos en Ourense
Chandrexa de Queixa (Requeixo e Parafita): unificados nun único incendio con arredor de 10.500 ha afectadas. Mobilizados 21 técnicos, 95 axentes, 134 brigadas, 77 motobombas, 12 palas, 11 unidades técnicas de apoio, 20 helicópteros e 17 avións, ademais da UME.
Maceda (Santiso e Castro de Escuadro): tamén unificados, con 2.200 ha afectadas. Mobilizados 8 técnicos, 64 axentes, 96 brigadas, 63 motobombas, 10 palas, 2 unidades técnicas de apoio, 15 helicópteros e 18 avións, ademais da UME.
Oímbra-A Granxa: 5.000 ha, parte en Monterrei. Mobilizados 13 técnicos, 35 axentes, 53 brigadas, 35 motobombas, 2 palas, 4 unidades técnicas de apoio, 9 helicópteros e 8 avións, ademais da UME.
A Mezquita-A Esculqueira: 4.500 ha. Mobilizados 4 técnicos, 20 axentes, 20 brigadas, 22 motobombas, 4 palas, 1 tractor, 2 unidades técnicas de apoio, 7 helicópteros e 11 avións, ademais da UME e medios portugueses.
Vilardevós-Vilar de Cervos: 200 ha. Mobilizados 2 técnicos, 6 axentes, 2 brigadas, 7 motobombas, 1 helicóptero e 2 avións.
Larouco-Seadur: 150 ha. Mobilizados 1 técnico, 9 axentes, 14 brigadas, 17 motobombas, 2 palas, 2 helicópteros e 2 avións.
Incendios estabilizados
Inclúense Vilariño de Conso-Mormentelos (180 ha), Montederramo-Paredes (120 ha), Ourense-Seixalbo (100 ha), Vilardevós-Moialde (40 ha) e Dozón-O Castro (400 ha).
Lumes controlados
Están baixo control os incendios de Samos-Santalla (200 ha), A Fonsagrada-Monteseiro (150 ha), Verín-Mourazos (9 ha) e A Estrada-Souto (20 ha).
Medidas de protección á poboación
Mantense o confinamento de 122 veciños en Casas dos Montes (Oímbra) e 140 en A Madanela (Monterrei). Xa puideron regresar os desaloxados en Albarellos, Mixós, Estevesiños, Vences, A Pousa e A Bouza (Viana do Bolo).
Medio Rural lembra que está dispoñible o teléfono gratuíto 085 para avisos de lumes e o 900 815 085 para denuncias anónimas de actividades incendiarias. A información actualizada de lumes de máis de 20 ha pode consultarse en @incendios085 (X).