UB40 feat. Ali Campbell actuará en Castrelos
O rexedor de Vigo, Abel Caballero, anunciou hoxe a novena confirmación do cartel do “Vigo en Festas 2025”: UB40 feat. Ali Campbell actuará en Castrelos o vindeiro 15 de agosto. “Trátase dunha das bandas máis icónicas do reggae-pop británico”, subliñou Caballero durante a presentación.
A historia de UB40 comeza en 1978, cando oito amigos formaron esta banda inspirándose no documento británico de solicitude de subsidio de desemprego, coñecido como Unemployment Benefit. Nos anos 80 e 90, convertéronse nunha referencia internacional do xénero, con máis de 70 millóns de discos vendidos.
Desde 2008, Ali Campbell, a inconfundible voz da formación orixinal, lidera esta nova etapa co nome de “UB40 feat. Ali Campbell”, mantendo vivo o espírito do grupo. O seu repertorio combina os grandes clásicos que marcaron xeracións, como «Red Red Wine», «Kingston Town» ou «(I Can’t Help) Falling in Love with You», con novas composicións que seguen levando o reggae aos escenarios de todo o mundo.
Esta será a novena actuación confirmada no auditorio ao aire libre de Castrelos dentro da programación musical de verán en Vigo:
-
Ana Belén – 12 de xullo
-
Gente de Zona – 17 de xullo
-
Trueno – 18 de xullo
-
Rozalén – 24 de xullo
-
Vanesa Martín – 31 de xullo
-
Ópera La Traviata – 1 de agosto
-
Jason Derulo – 8 de agosto
-
UB40 feat. Ali Campbell – 15 de agosto
-
India Martínez – 16 de agosto