Cultura

O Concello de Vigo retoma o 5 e 6 de setembro as proxeccións de cine ao aire libre no Pazo de Castrelos e completa a programación con exposicións, visitas guiadas e obradoiros nos museos municipais.

O alcalde de Vigo anunciou que esta fin de semana se retoma o cine ao aire libre no Pazo de Castrelos, con dúas proxeccións ás 22.00 horas: o 5 de setembro “Misterio en Venecia” e o 6 de setembro “Antes de nós”, un filme sobre a vida de Castelao. Ademais, lembrou que os días 12 e 13 de setembro se celebrarán as películas que foran aprazadas pola choiva.

A programación cultural complétase cun amplo abano de actividades nos museos municipais durante setembro:

Tardes no Museo (19.30 h)

3 de setembro: Pinacoteca coa nova Colección Colmeiro.

10 de setembro: Casa das Artes coa exposición Pulsos e Solastalxias (do monte galego).

17 de setembro: Casa das Artes coa Colección Luis Torras.

24 de setembro: Pinacoteca coa exposición de Irene Ceballos.

Visitas guiadas

Pazo de Castrelos: 4 e 11 de setembro (18.30 h).

Xardíns do Pazo: 25 de setembro (18.30 h).

Visita arqueolóxica: 18 de setembro (18.30 h).

Grupos ao Pazo de Castrelos: todos os días de 10 a 14 h.

Obradoiros

Taller para familias sobre cerámica na antigüidade: 18 de setembro (17.00 h).