Actualidade | Sindicatos

A CIG convoca concentracións este xoves diante de sete concellos para reclamar un SAF xestionado pola Xunta, con persoal suficiente e condicións laborais xustas

O colectivo de persoas xubiladas e pensionistas da CIG convoca para este xoves, 27 de marzo, concentracións simultáneas diante dos concellos de Arteixo, Narón, Teo, Monforte, O Carballiño, Vilagarcía e Ponteareas. O obxectivo é esixir que o Servizo de Axuda no Fogar (SAF) sexa xestionado directamente pola Xunta de Galicia, cun sistema público galego que garanta a atención ás persoas dependentes.

Desde a CIG reclaman un SAF con orzamento e persoal suficiente, que poida atender a crecente demanda e asegurar unhas condicións laborais e salariais dignas para o persoal que o presta. A central sindical denuncia a precariedade do servizo actual e insiste na urxencia de establecer un Sistema Público Galego de Servizos de Atención ás Persoas que unifique todos os recursos e permita unha atención digna e de xustiza social.

As mobilizacións desenvolveranse nos seguintes horarios:

• Arteixo: 11:00 h

• Narón: 12:00 h

• Teo: 11:00 h

• Monforte: 12:00 h

• O Carballiño: 12:00 h

• Vilagarcía: 11:30 h

• Ponteareas: 11:00 h