A escola da banda de música de Antas de Ulla está a traballar na elaboración dun libro e diverso material didáctico que teñen previsto editar con motivo da celebración do seu 125 aniversario.
Para poder levar adiante este proxecto, solicitan a colaboración dos veciños e veciñas do municipio, co obxecto de que lles presten fotografías, revistas, recortes de xornais, carteis, partituras ou instrumentos cos que recuperar a “memoria histórica da nosa banda”. Valoran especialmente o material vencellado coa primeira época da formación musical, entre os anos 1896 e 1960.
As persoas que queiran colaborar nesta homenaxe poden contactar con calquera membro da escola-banda de música de Antas ou facerlles chegar un correo a escolabanda.antas@gmail.com.
