Ata o vindeiro 12 de abril estará aberto o prazo para as solicitudes de praza na escola infantil de Chantada. A convocatoria diríxese a pais de nenos e nenas de idade mínima de 3 meses na data de ingreso e que non teñan cumprido os 3 anos a 31 de decembro de 2021.
Para a adxudicación das prazas, primarase aos menores xa escolarizados no actual curso académico, que renovan automaticamente. Séguenlles os nenos e nenas que estiveran matriculados nalgunha escola infantil do Consorcio e logo os de novo ingreso dando prioridade, por esta orde, a fillos de persoal do Consorcio, nenos ou nenas con irmáns xa matriculados no centro, e menores con medidas de tutela ou garda en situación de acollemento. Ás restantes plazas aplicaráselles un baremo.
A gardería ofrece un servicio de 8.00 a 18.00 horas, e á hora de presentar as solicitudes, pódese escoller ter ou non servizo de comedor.
O prazo de solicitude de prazas remata o 12 de abril e o vindeiro curso comezará o día 6 de setembro.
