Tras tres días continuados de aumento de casos, a provincia logra reducir este domingo o número de casos activos por debaixo da barreira dos 200. Así, hoxe son 198 os activos, 18 menos que onte. Na xornada anterior o aumento foi de 6.
De feito, diagnosticaron nas últimas 24 horas 6 casos novos (onte foron 20). Ademais, as altas chegaron ás 11.540, 22 en 24 horas, o día anterior foron 14.
Dende que comezou a pandemia, no mes de marzo do pasado ano, hai 11.954 casos rexistrados e 211 persoas falecidas.
A presión hospitalaria continúa a lenta redución. Na UCI do Hula hai 3 persoas ingresadas, e en planta son 13 os enfermos (2 menos), 9 no hospital de Lugo, 2 en Burela e 2 en Monforte.
POR COMARCAS
A Mariña
Xornada sen cambios na comarca con Ribadeo acadando unha semana limpa de covid.
- Sen casos novos en 15 días están: Trabada, Ourol, O Vicedo, Cervo, Barreiros, Foz, Alfoz, O Valadouro, Mondoñedo e A Pontenova.
- Na última semana tampouco tivo Lourenzá e Ribadeo.
Terra Chá
A comarca mantén unha incidencia mínima en Xermade, Outeiro, Friol, Guitiriz e Vilalba. Begonte e Castro de Rei volven estar limpos de covid na última semana.
- Guitiriz segue por debaixo de dez casos pero en alerta media malia ter xa unha incidencia por debaixo.
- No veciño Concello das Pontes están en 11 casos, 3 menos.
- Sen casos nos últimos quince días están: Pol, Abadín, Cospeito, Muras, A Pastoriza, Rábade e Meira.
- Begonte e Castro de Rei sen casos novos na última semana.
Centro da provincia
Boa xornada na comarca con Lugo con menos casos e con Palas e O Corgo que entran no grupo de concellos limpos de covid esta semana e Baleira e Guntín sumanda xa 15 días sen casos.
- Lugo queda en 32 casos, 2 menos.
- Limpos de covid nos últimos quince días están: A Fonsagrada, Pedrafita do Cebreiro, Negueira de Muñiz, Navia, Cervantes, Ribeira de Piquín, Becerreá, As Nogais, Portomarín e Baralla. Únense Baleira e Guntín.
- Castroverde, malia estar por debaixo de dez casos ten unha incidencia que correspondería á alerta media.
- Sen casos os últimos 7 están Palas e O Corgo.
Comarca de Sarria
A situación mellora en Samos e Láncara pero empeora para Sarria e Paradela.
- Paradela rebaixa dos dez casos e seguirá en máxima alerta con niveis de alta pero volvendo rexistrar algún positivo tras unha semana limpo.
- Sarria suma 2 casos máis e chega a 21.
- Triacastela, O Incio e O Páramo seguen limpos de covid dende hace semanas.
- Samos e Láncara superan o gromo e xa levan unha semana sen novos positivos.
Ribeira Sacra
Mentres Monforte recupera a senda do crecemento de casos a situación mellora no resto da comarca. Chantada está por debaixo dos dez casos xa e os concellos de A Pobra de Brollón e Sober levan unha semana sen contaxios novos.
- Monforte ten hoxe 31 casos, 5 máis.
- Chantada xa está por debaixo de dez casos de novo.
- Sen casos en quince días: Carballedo, Folgoso do Courel e Ribas de Sil.
- Sen casos nos últimos sete días está Bóveda e únense A Pobra de Brollón e Sober.
