A Casa da Cultura de Quiroga acolle un curso de limpeza industrial organizado pola Consellería de Política Social, dentro do plan da Estratexia de Inclusión Social de Galicia 2014-2020.
O curso no que participan 10 persoas por medidas anti covid, posto que neste tipo de iniciativas eran 15 as persoas que podían participar, prolongarase ata o 30 de abril.
Os participantes, pertencentes a colectivos en risco de exclusión social, recibiron a visita do rexedor local, Julio Álvarez, e da concelleira de Servizos Sociais, Loli Sánchez. O rexedor local encargouse de darlle a benvida aos participantes e recordarlles “a importancia de contar con titulación para todos os traballos, polo que o bo aproveitamento do curso servirá para a súa profesionalización”.
O Plan de Estratexia de Inclusión Social constitúe un marco integrado de intervencións orientadas a responder de maneira efectiva e coordinada ás situacións persoais e familiares de vulnerabilidade, pobreza e exclusión social, e procurar os apoios precisos para que as persoas destinatarias consigan a súa inclusión social e laboral.
