O grupo municipal Por Viveiro levará ao próximo Pleno, que se celebrará o día 1 de xuño, varios rogos vinculados a diferentes intervencións para solucionar deficiencias.
Así, explican que un dos accesos máis utilizados á praia de Area, o situado nas inmediacións do bar Flora, presenta grandes deficiencias polo que solicitan o seu arranxo antes do comezo da tempada de verán. Xusto veñen de outorgar a esta praia o distintivo de bandeira azul “e un dos criterios básicos para a concesión e que a praia dispoña de accesos en condicións óptimas”.
Así mesmo pedirán a reposición das tres arbores que faltan na beirarrúa da fachada da Praza de Abastos que da a avenida de Benito Galcerán, e na que no seu día se plantaron sete árbores.
Finalmente, indican que no campo da festa de Xunqueira, entre o camiño e o regato, o derrubamento do firme ocasiona a inclinación con risco de caída dun farol de iluminación, con evidente risco para a seguridade das persoas que transitan por esta zona. “Rogamos ao equipo de Goberno que faga as xestións necesarias para subsanar esta situación”, din.
