O alcalde do Saviñao, Carlos Armesto, achegouse a comprobar o desenvolvemento dos traballos de aglomerado en quente no acceso a Cuñas, na parroquia da Cova.
Esta actuación forma parte do plan de asfaltado que está a levar a cabo o Concello en distintas vías municipais e que inclúe tamén o desbroce das marxes e a limpeza de cunetas.
Con estas actuacións, o goberno local continúa a desenvolver proxectos de mellora das infraestruturas de titularidade municipal para dotar de máis e mellores servizos públicos aos veciños e contribuír a mellorar a súa calidade de vida.
Neste caso, trátase de actuacións nas vías de comunicación do municipio que permitirán mellorar a seguridade viaria dos seus usuarios. O plan comezara a pasada semana con dúas actuacións na estrada que une A Reguenga coa Senra, na parroquia de Mourelos, que comunica distintos núcleos do municipio; e os accesos a Vilar, na parroquia de Marrube.
