Novo aumento de casos activos esta xornada. Este domingo rexístranse un total de 220, 14 máis que onte, a mesma subida que na xornada anterior, e tamén cun aumento na presión hospitalaria.
Diagnosticaron nas últimas 24 horas 30 casos novos (onte foron 18), a maior subida nunha xornada nas últimas semanas. As altas chegaron ás 11.311, 12 en 24 horas, mentres que o día anterior foron 11.
Dende que comezou a pandemia, no mes de marzo do pasado ano, hai 12.750 casos rexistrados e 214 persoas falecidas.
Nos hospitais, na UCI queda cun paciente pero volven subir os ingresos en planta, que agora son 8 (1 máis), 4 están no Hula (1 máis), 2 en Burela e 2 en Monforte.
O sistema de alertas, que está establecido en 4 niveis, mantense do seguinte xeito:
- Máxima. Para incidencia maior de 500 casos por 100.000 habitantes.
- Alta. Para incidencia de 250 a 500.
- Media. Para incidencia de 150 a 250. Chantada, Viveiro e Cervo.
- Baixa. Por debaixo de 150. O resto da provincia.
POR COMARCAS
Os casos activos segue subindo cun aumento de novo de positivos causados polos gromos detectados na Mariña, Monforte e Vilalba. A estabilidade continúa no resto.
A Mariña
- Viveiro chega aos 19 casos, 1 máis que onte.
- Cervo segue por debaixo de dez pero en alerta media. Xove tamén eleva a incidencia.
- Incidencia leve en Burela, Foz, Ribadeo e Lourenzá.
- Mondoñedo leva unha semana sen casos.
- Sen casos novos máis de 15 días están Ourol, O Valadouro, A Pontenova, Riotorto, O Vicedo, Barreiros, Trabada e Alfoz.
Terra Chá
- Vilalba mantén 22 casos (os mesmos que onte).
- Pol e Guitiriz, por debaixo de dez, ten casos pero con incidencia leve.
- Xermade e As Pontes están sen casos en 7 días.
- Sen positivos dende hai máis de quince días están: Abadín, Muras, Begonte, Rábade, Outeiro de Rei, Castro de Rei, Friol, Meira e Cospeito. Únese A Pastoriza.
Centro da provincia
- Os casos en Lugo volven subir. Son 72 (6 máis).
- Leva unha semana sen Monterroso.
- Navia de Suarna certifica algúns casos cun índice elevado e tras meses sen covid.
- Limpos de covid nos últimos quince días están: Negueira de Muñiz, Portomarín, Baleira, Guntín, Antas de Ulla, Castroverde, Pedrafita, As Nogais, Baralla, Ribeira de Piquín, Becerreá, Cervantes, A Fonsagrada, Palas e O Corgo.
Comarca de Sarria
- Sarria ten casos pero con baixa incidencia.
- O Incio tamén ten casos pero con incidencia alta.
- Láncara leva unha semana sen casos.
- Triacastela, Samos, Paradela e O Páramo seguen limpos de covid dende fai dúas semanas polo menos.
Ribeira Sacra
- Chantada segue con 11 casos e mantén a alerta media.
- Monforte segue subindo, ata 16 casos (3 máis).
- Pantón ten casos pero con incidencia leve.
- Folgoso, Taboada e Carballedo levan unha semana sen positivos. Únese Sober.
- Sen casos en máis de quince días: Ribas de Sil, Bóveda, O Saviñao, A Pobra de Brollón e Quiroga.
