A fibra óptica de Adamo xa está activa en Alfoz. Por agora, son só un puñado de vivendas as que contan con sinal. Con todo, a compañía estenderá proximamente a súa rede polo conxunto de parroquias deste Concello lucense. Ademais, non se trata de calquera conexión a Internet, senón da fibra óptica máis rápida que se atopa dispoñible no mercado (1.000 Mbps), que ofrece o operador.
As poboacións con menos habitantes, incluídas
Na súa filosofía de non deixar a ninguén atrás, Adamo instalará a infraestrutura tanto nos núcleos máis poboados de Alfoz como os que teñen unicamente un puñado de veciños: Castro de Ouro (19), Reirado (44) e Oirás (67). A eles únense Pereiro (116), Bacoi (174), Adelán (229), Carballido (256), Lagoa (278) e Mor (467). En total, 1.650 poboadores nas nove parroquias.
Apoio do Concello de Alfoz
Adamo conta para este despregamento coa colaboración das autoridades locais, en particular, do alcalde Jorge Val. Iso quedou de manifesto na presentación do servizo que proporciona a compañía, efectuada recentemente ante o rexedor por David Llano, responsable de Adamo en Galicia. Nesa reunión participaron igualmente representantes das diferentes parroquias do municipio.
Máis de 50.000 vivendas conectadas en Lugo
Desta maneira, o operador prosegue co seu desenvolvemento en Lugo, provincia na que xa fornece sinal a 50.000 fogares, facendo especial fincapé na zona da Mariña. Entre outros concellos, en Begonte, Cervo, A Fonsagrada, Xove, Barreiros, Lourenzá ou Foz, así como na parroquia de Celeiro.
Máis de 76.500 domicilios en Lugo
Este paso en Alfoz enmárcase na firme aposta da empresa por esta rexión galega, na que instalará Internet de alta velocidade en 26.530 inmobles ao longo de 2021 e 2022. Sumados ás 50.000 actuais, Adamo alcanzará un total que pasa as 76.500 vivendas na súa rede lucense a finais de 2022.
