Realizáronse actuacións de conservación e limpeza nos treitos interurbanos do río Masma ao seu paso polo núcleo do Arco, en Mondoñedo, a través de Augas de Galicia.
Os traballos consisten na retirada de troncos, biomasa e árbores caídos no cauce, que obstaculizaban o curso da auga na ponte.
Augas de Galicia desenvolve estas accións no marco do programa de mantemento, conservación e mellora do dominio público hidráulico das bacías de Galicia-Costa, no ámbito territorial Galicia-norte e as súas zonas de acceso e protección.
Este tipo de traballos permite a mellora dos leitos fluviais para acadar condicións naturais do ecosistema que favorezan os aspectos medioambientais e de uso social na contorna do río.
