O Torneo San Ramón 2021 de tenis II memorial Juan José Pereira Vázquez, celebrarase do 15 ao 21 de agosto con toda a seguridade e normativas covid19 vixentes no momento.
Así, entre o domingo 15 e o venres 21 de agosto daranse cita nas instalacións deportivas da Madalena os tenistas de Vilalba, Cospeito, Lugo, As Pontes e outros lugares de Galicia -A Coruña, Ferrol ou Ourense- e, mesmo, de Madrid para competir en XX categorías – infantil e alevín masculino; absoluto masculino e feminino; e +35 absoluto.
Para infantil, alevín e +35 o cadro mínimo debe ser de 8 xogadores e na absoluto masculino e feminino de 16. Desde a organización comunican que se ao peche de inscrición, non se alcanza un número mínimo de rexistrados, o torneo aprazarase ata o 12 de setembro, e xogarase do 12 ao 19.
O prazo de inscrición é ata o mercores, 12 de agosto ás 20.00 horas e deberán facerse por email en ctvilalbes@gmail.com ou www.ibertenis.com. A fase previa de xogo en absoluta será os días 15, 16 e 17 e a final o 18, 19, 20 e 21.
Haberá premios en metálico ata cuartos de final na categoría absoluta masculina e feminina, o 75% da recadación das inscricións de ambas categorías, o campión e subcampión sénior masculino e feminino levarán un trofeo de Sargadelos, o infantil e alevín un trofeo.
