Os distintos gromos que se detectaron en varios puntos da provincia, principalmente entre a mocidade aínda non vacinada ou co proceso non rematado, impide unha xornada máis rebaixar o número de casos activos de forma significativa e aumenta a hospitalización de forma brusca. A orixe dos gromos atopouse nas celebracións e festas que tiveron lugar durante a fin de semana festiva do 15 de agosto.
Así, hoxe hai 1.231 casos activos, 1 menos que onte, cun rexistro de 78 novos positivos e 79 altas. Onte a baixada foi 3 casos, con 117 novos enfermos e 119 altas.
Ademais, dende que comezou a pandemia, no mes de marzo do pasado ano, hai 18.361 casos rexistrados e 231 persoas falecidas, 14 nesta quinta vaga.
A presión hospitalaria experimenta unha subida de novo. Hai 35 persoas ingresadas en catro hospitais (4 máis). Na UCI do Hula seguen 5 e nas diferentes plantas son 30 os enfermos; 21 están no de Lugo (2 máis), 3 na Mariña, 5 en Monforte (2 máis) e 1 no Polusa.
MAPA DE RESTRICIÓNS
O sistema de alerta está establecido en 4 niveis do seguinte xeito:
- En alerta máxima: ningún.
- En alerta alta: Rábade.
- No nivel medio: Mondoñedo, Monforte de Lemos, Sarria, Monterroso, Viveiro, Ribadeo, Barreiros, Chantada, Lugo e Outeiro de Rei.
- No nivel baixo: o resto de concellos.
POR COMARCAS
Os gromo impiden que continúe a tendencia á baixa na provincia. Monforte é o lugar onde máis contaxios se produxeron, aínda que tamén son visibles na Pastoriza, que implica Meira e Castro de Rei.
A Mariña
- A Pontenova, chega a 10.
- Alfoz está por debaixo de 10.
- Barreiros segue con 11.
- Burela sobe a 19 (2 máis).
- Cervo, menos de 10 casos.
- Foz baixa a 16 casos, 1 menos.
- Lourenzá, por debaixo de 10.
- Mondoñedo, por debaixo de 10.
- O Valadouro, por debaixo de 10 casos.
- O Vicedo sen casos na última semana.
- Ourol, con menos de dez.
- Ribadeo sobe 1 ata 34.
- Riotorto, con menos de 10.
- Trabada, menos de 10 casos.
- Viveiro, 38 casos, 10 menos.
- Xove, menos de 10.
Terra Chá
- A Pastoriza sobe a 21 casos (2 máis).
- Abadín, menos de 10.
- As Pontes xa está por debaixo de 10.
- Begonte segue con 17.
- Castro de Rei suma 10 ata 34.
- Cospeito baixa 1 ata 11.
- Friol, sen casos en quince días.
- Guitiriz mantén 12.
- Meira volve chegar aos 10 casos.
- Muras, sen positivos dende hai máis de quince días.
- Outeiro de Rei reduce 1 caso ata 15.
- Pol, sen casos na última semana.
- Rábade suma 1 ata 20.
- Vilalba baixa a 25, 3 menos.
- Xermade volve ter algún caso.
Comarca de Sarria
- Láncara, por debaixo dos 10 casos.
- O Incio, con menos de 10.
- O Páramo, menos de 10 casos.
- Paradela, por debaixo de 10.
- Samos, menos de 10 casos.
- Sarria baixa 1 caso ata 38.
- Triacastela, menos de 10 casos.
Centro da provincia
- A Fonsagrada, por debaixo dos 10 casos.
- Antas de Ulla, con menos de 10 casos.
- As Nogais, sen casos nos últimos quince días.
- Baralla baixa a 11, 1 menos.
- Baleira, con menos de 10 casos.
- Becerreá, con menos de 10 casos.
- Castroverde, con menos de 10 casos.
- Cervantes, con menos de 10 casos.
- Guntín, sen casos en quince días.
- Lugo reduce ata 341 casos, 13 menos.
- Monterroso sobe a 12, 1 máis.
- Navia de Suarna, menos de 10 casos.
- Negueira de Muñiz, sen casos en quince días.
- O Corgo, menos de 10 casos.
- Palas de Rei, menos de 10.
- Pedrafita leva unha semana sen casos.
- Portomarín, sen novos casos en quince días.
- Ribeira de Piquín, por debaixo de 10.
Ribeira Sacra
- A Pobra de Brollón, por debaixo de 10 casos.
- Bóveda, por debaixo de 10.
- Carballedo volve ter algún caso.
- Chantada segue con 32.
- Folgoso do Courel, por debaixo de 10.
- Monforte sobe 13 casos ata 164 casos.
- O Saviñao, menos de 10 casos.
- Pantón, con menos de 10 casos.
- Quiroga, menos de 10 casos.
- Ribas de Sil, sen casos en quince días.
- Sober, menos de 10 casos.
- Taboada volve ter algún caso.
AS RESTRICIÓNS
Na hostalería no nivel máximo mantense pechado o interior e as terrazas estarán ao 50%. No nivel alto o interior mantense en 30% e nas terrazas amplíase ao 75%. No nivel medio mantense o interior ao 50% e as terrazas amplíanse ao 100%. No nivel baixo amplíase ao 75% en interior e mantense ao 100% nas terrazas.
En canto ao lecer nocturno, no nivel máximo mantense pechado o interior e as terrazas ao 75%. No nivel alto mantense o interior pechado e as terrazas ao 75%. No nivel medio sitúase a 50% o interior e o 75% nas terrazas. No nivel baixo está ao 50% o interior e ao 100% en terrazas.
