O novos contaxios seguen crecendo e volven provocar un aumento de casos activos que trouxo consigo un cambio no mapa de restricións que sitúa a Monforte no máximo nivel de alarma debido ao gromo detectado nesta vila entre a mocidade.
Ademais pasan tamén ao nivel alto Castro de Rei, Meira, A Pastoriza, O Saviñao, Pantón, Sober, que se suman a Rábade.
No nivel medio quedarán Outeiro de Rei, Chantada, Lugo, Begonte.
Os resto dos concellos sitúanse en nivel medio baixo. Todas estas medidas entrarán en vigor ás 00:00 horas do vindeiro sábado, 28 de agosto.
OS DATOS DE HOXE
Así, hoxe a covid segue sumando positivos. Hai 1.342 casos activos, 50 máis que onte, cun rexistro de 138 novos positivos e 87 altas. Onte a subida foi de 61 casos, con 110 novos enfermos e 50 altas.
Ademais, dende que comezou a pandemia, no mes de marzo do pasado ano, hai 18.610 casos rexistrados e 232 persoas falecidas, 15 nesta quinta vaga.
A presión hospitalaria mellora entre os graves. Hai 28 persoas ingresadas en catro hospitais (1 menos). Na UCI do Hula hai agora 2 (1 menos) e nas diferentes plantas son 26 os enfermos; 19 están no de Lugo, 3 na Mariña e 4 en Monforte.
MAPA DE RESTRICIÓNS
O sistema de alerta está establecido en 4 niveis do seguinte xeito ata o próximo sábado:
- En alerta máxima: ningún.
- En alerta alta: Rábade.
- No nivel medio: Mondoñedo, Monforte de Lemos, Sarria, Monterroso, Viveiro, Ribadeo, Barreiros, Chantada, Lugo e Outeiro de Rei.
- No nivel baixo: o resto de concellos.
POR COMARCAS
Os gromos continúan sumando positivos, especialmente no Sur, con Monforte, Chantada e o Saviñao á cabeza; Lugo e Monterroso no centro, e Castro e Outeiro de Rei en Terra Chá. Na Mariña a situación mellora.
A Mariña
- A Pontenova baixa a 12 (1 menos).
- Alfoz está por debaixo de 10.
- Barreiros segue con 11.
- Burela queda en 12.
- Cervo, menos de 10 casos.
- Foz sobe a 17, 1 máis.
- Lourenzá, por debaixo de 10.
- Mondoñedo, por debaixo de 10.
- O Valadouro, por debaixo de 10 casos.
- O Vicedo sen casos na última semana.
- Ourol, con menos de dez.
- Ribadeo baixa 3 ata 30.
- Riotorto, con menos de 10.
- Trabada sen casos na última semana.
- Viveiro, 34 casos, 1 menos.
- Xove, menos de 10.
Terra Chá
- A Pastoriza baixa a 29 casos (1 menos).
- Abadín, menos de 10.
- As Pontes está por debaixo de 10.
- Begonte queda en 16.
- Castro de Rei suma 3 ata 42.
- Cospeito volve subir ata 12.
- Friol volve ter casos tras 15 días limpo.
- Guitiriz reduce a 11 (1 menos).
- Meira reduce a 10 (1 menos).
- Muras, sen positivos dende hai máis de quince días.
- Outeiro de Rei sobe 2 casos ata 18.
- Pol volve ter algún caso.
- Rábade baixa 3 ata 16.
- Vilalba sobe a 27, 1 máis.
- Xermade, por debaixo de 10.
Comarca de Sarria
- Láncara, por debaixo dos 10 casos.
- O Incio, con menos de 10.
- O Páramo, sen casos novos na última semana.
- Paradela, por debaixo de 10.
- Samos, menos de 10 casos.
- Sarria sobe 1 caso ata 40.
- Triacastela volve ter algún positivo.
Centro da provincia
- A Fonsagrada, por debaixo dos 10 casos.
- Antas de Ulla, con menos de 10 casos.
- As Nogais, sen casos nos últimos quince días.
- Baralla sobe a 22, 5 máis.
- Baleira, con menos de 10 casos.
- Becerreá chega a 10 casos.
- Castroverde, con menos de 10 casos.
- Cervantes, con menos de 10 casos.
- Guntín, sen casos en quince días.
- Lugo sobe de novo ata 357 casos, 7 máis.
- Monterroso dá un novo salto en positivo ata 21 (9 máis).
- Navia de Suarna, menos de 10 casos.
- Negueira de Muñiz, sen casos en quince días.
- O Corgo, menos de 10 casos.
- Palas de Rei, menos de 10.
- Pedrafita leva unha semana sen casos.
- Portomarín, sen novos casos en quince días.
- Ribeira de Piquín, por debaixo de 10.
Ribeira Sacra
- A Pobra de Brollón, por debaixo de 10 casos.
- Bóveda, por debaixo de 10.
- Carballedo, por debaixo de 10.
- Chantada sobe ata 37, 5 máis.
- Folgoso do Courel, por debaixo de 10.
- Monforte segue disparado. Son 204, 23 máis.
- O Saviñao sobe ata 15 (4 máis).
- Pantón, con menos de 10 casos.
- Quiroga, menos de 10 casos.
- Ribas de Sil, sen casos en quince días.
- Sober, menos de 10 casos.
- Taboada, por debaixo de 10.
AS RESTRICIÓNS
Na hostalería no nivel máximo mantense pechado o interior e as terrazas estarán ao 50%. No nivel alto o interior mantense en 30% e nas terrazas amplíase ao 75%. No nivel medio mantense o interior ao 50% e as terrazas amplíanse ao 100%. No nivel baixo amplíase ao 75% en interior e mantense ao 100% nas terrazas.
En canto ao lecer nocturno, no nivel máximo mantense pechado o interior e as terrazas ao 75%. No nivel alto mantense o interior pechado e as terrazas ao 75%. No nivel medio sitúase a 50% o interior e o 75% nas terrazas. No nivel baixo está ao 50% o interior e ao 100% en terrazas.
