A Federación de Comercio de Lugo, en colaboración coa Asociación de Empresarios Sete Pontes e a Consellería de Economía, Empresa e Innovación – Dirección Xeral de Comercio e Consumo da Xunta de Galicia, pon en marcha na vila a campaña promocional As Rodas da Sostibilidade en varias localidades da provincia.
Así, arranca en Vilalba, onde todos os clientes que realicen compras entre o 17 e o 24 de setembro nos establecementos asociados, poden participar desta iniciativa. Cunha compra mínima de 10€ poderán tirar dunha das dúas rodas (unha roda para tiques por valor de entre 10€ e 49,99€ e outra para tiques por valor de 50€ ou máis).
Estas rodas instalarase o venres, 24 de setembro, entre as 11.00 e as 14.00 horas na praza da Constitución de Vilalba, sortéandose moitos agasallos sostibles para premiar a fidelidade dos clientes no comercio local.
A campaña Rodas da Sostibilidade, busca dinamizar o comercio de proximidade da provincia de Lugo e incentivar o consumo. Con esta finalidade, durante as vindeiras semanas celebrarse en 9 localidades lucenses.
