Mañá mércores, día 29 de decembro de 2021 as 20:00 horas a Sociedade Micolóxica Lucus presentará a versión dixital do libro “A Cociña dos Cogomelos na Reserva da Biosfera Terras do Miño”, no Salón de Actos da Deputación coa colaboración da Deputación de Lugo.
No 2021 cúmprese o cincuenta aniversario do Programa Persoas e Biosfera (MaB) da UNESCO en cuxo marco decláranse as Reservas da Biosfera. Ademais cúmprese este ano o vixésimo aniversario da fundación da SMLucus, que impulsou que un vello anhelo de moitos afeccionados e socios se materialice coa edición deste libro no que ademais das receitas de numerosos chefs da Provincia participan tamén coas súas achegas numerosos socios. Para as receitas deste libro utilizáronse produtos con D.O.P., I.X.P. ou razas autóctonas e cogomelos que se atopan na Reserva da Biosfera Terras do Miño. Contén ademais das fichas destes produtos e cogomelos un pequeno manual para a conservación e tratamento dos cogomelos.
Participarán na presentación representantes da Deputación de Lugo, o Presidente da SMLucus, responsables dos procesos de edición e varios Chefs e afeccionados que contribuiron coa achega de receitas.
Entregarase a todos os asistentes un impreso coa información de descarga da edición dixital do libro e a opción de conseguir a versión impresa de balde cando estea dispoñible.
A entrada é libre e gratuíta.
