A covid dá un novo salto cara arriba e suma un elevado número de casos novos mentres crece a hospitalización de novo malia o rápido avance da vacinación.
Hoxe hai 802 casos activos, 53 máis que onte, cun rexistro de 85 novos positivos e 33 altas. Onte houbo 14 máis, con 60 novos contaxios e 46 altas.
Ademais, dende que comezou a pandemia, no mes de marzo do pasado ano, hai 21.415 casos rexistrados e 257 persoas falecidas, dúas delas nesta sexta vaga.
A presión hospitalaria segue á alza. Os ingresados na UCI do Hula seguen en 5 e en planta xa son 12 pacientes (1 máis), 5 no Hula (2 máis), 2 na Mariña e 5 en Monforte (1 menos).
POR COMARCAS
A covid continúa estendéndose por toda a provincia, con especial incidencia na zona sur e na cidade de Lugo, onde foron rexistrados a metade dos novos contaxios nas últimas 24 horas. Segue aumentando aínda que lentamente o número de concellos que superan os 10 enfermos e seguen limpos 17.
A Mariña
- Ribadeo aumenta en 1 os enfermos ata 16.
- Foz suma 1 ata 17 contaxios.
- Xove e Trabada volven ter casos.
- Por debaixo de 10: A Pontenova, Mondoñedo, Alfoz, Barreiros, O Valadouro, Viveiro, Burela e Lourenzá.
- Unha semana sen casos: Cervo.
- Máis de quince días limpos: Ourol, O Vicedo e Riotorto.
Terra Chá
- Vilalba reduce ata 45 contaxiados (5 menos).
- Outeiro de Rei aumenta a 13 enfermos (1 máis).
- As Pontes mantense en 19 casos.
- Por debaixo de 10 contaxios: Castro de Rei, A Pastoriza, Abadín, Guitiriz, Muras, Rábade, Pol, Meira e Begonte.
- Entre unha semana e 15 días sen casos: Xermade e Friol.
- Máis de quince días limpos: Cospeito.
Comarca de Sarria
- Sarria reduce a 22 enfermos (1 menos).
- Por debaixo de 10 contaxios: Láncara e O Incio.
- Entre unha semana e 15 días sen casos: Paradela.
- Máis de quince días limpos: Samos, Triacastela e O Páramo.
Centro da provincia
- Lugo recupera número de positivos ata 264 (37 máis).
- Castroverde e Ribeira de Piquín volven ter casos.
- Por debaixo dos 10 casos: Monterroso, Palas, Antas, A Fonsagrada, Baralla, Guntín, Baleira, Pedrafita e Navia de Suarna.
- Ente 1 semana e 15 días sen casos: As Nogais e O Corgo. Únese Becerreá.
- Máis de quince días limpo: Negueira de Muñiz, Cervantes e Portomarín.
Ribeira Sacra
- Carballedo: 11 positivos.
- Chantada: 58 contaxios (2 máis).
- Folgoso do Courel: 29 (1 menos).
- Monforte: 55 casos (2 máis).
- O Saviñao: 48 enfermos (2 menos).
- Pantón: 13 (3 máis).
- Quiroga: 14 casos (1 máis).
- Ribas de Sil chega aos 10.
- Taboada: 27 contaxios (1 menos).
- Por debaixo de 10 contaxios: A Pobra de Brollón, Bóveda e Sober.
RESTRICIÓNS
Entran en marcha novas restricións para atallar o novo crecemento do virus.
- Amplíase a esixencia do certificado covid na hostalaría. Os restaurantes pedirano durante todo o día e os bares a partir das 21.00 horas. No ocio nocturno segue a ser obrigado independente do nivel de seguridade.
- As mesas en interiores quedan reducidas de 10 a 8 comensais e en exteriores de 20 a 15.
- Os venres e sábados os establecementos hostaleiros poden pechar á 1.30 horas. O resto de días o horario de peche está fixado para a 1.00 horas.
- No lecer nocturno. Os pubs poderán abrir os venres e sábados ata as 4.30 horas. O resto de días ata as 4.00 horas. As discotecas e salas de concertos poderán pechar ás 5.00 horas.
- A máscara seguirá sendo obrigatoria en espazos pechados e cando non se poida manter unha distancia de 1,5 m.
