A presenza da covid desbócase na provincia de Lugo cun novo récord de casos novo e coa hospitalización á baixa.
Hoxe hai 1.153 casos activos, 87 máis que onte, cun rexistro de 127 novos positivos e 37 altas. Onte houbo 38 máis, con 80 novos contaxios e 42 altas.
Ademais, dende que comezou a pandemia, no mes de marzo do pasado ano, hai 22.157 casos rexistrados e 257 persoas falecidas, dúas delas nesta sexta vaga.
A presión hospitalaria segue á baixa con 2 enfermos menos na UCI do Hula, onde hai 3 persoas, mentres en planta os ingresados son 11 pacientes (1 máis), 4 no de Lugo (1 menos), 2 na Mariña (1 máis) e 5 en Monforte (1 máis).
POR COMARCAS
A provincia experimenta un aumento de casos xeralizado con novas localidades que suben dos dez contaxios activos e só con 12 concellos onde polo menos hai unha semana que non hai positivos.
A Mariña
- Burela: 16 positivos (4 máis).
- Foz: 22 (2 menos).
- Lourenzá: 13.
- Mondoñedo: 11 (1 máis).
- Ribadeo: 20 (7 máis).
- Viveiro: 19 (2 máis).
- A Pontenova volve ter casos.
- Por debaixo de 10: Barreiros,, Xove, Cervo, O Vicedo, Alfoz e Riotorto.
- Entre unha semana e 15 días sen casos: O Valadouro e Trabada.
- Máis de quince días limpos: Ourol.
Terra Chá
- As Pontes: 26 (3 máis).
- Castro de Rei: 10.
- Guitiriz: 12.
- Outeiro de Rei: 16 casos (1 menos).
- Vilalba: 19 (1 menos).
- Por debaixo de 10 contaxios: A Pastoriza, Abadín, Rábade, Pol, Begonte, Cospeito e Friol.
- Entre unha semana e 15 días sen casos: Muras e Meira.
- Máis de quince días limpos: Xermade.
Comarca de Sarria
- Sarria resta 2 e xa son 20 enfermos.
- O Incio volve ter casos.
- Por debaixo de 10 contaxios: Láncara, Samos e O Páramo.
- Máis de quince días limpos: Triacastela e Paradela.
Centro da provincia
- Guntín: 11.
- Lugo: 490 (33 máis).
- Monterroso: 15 (1 máis).
- Palas de Rei 14.
- Por debaixo dos 10 casos: A Fonsagrada, Baralla, Baleira, Pedrafita, Castroverde, O Corgo, Becerreá, P0rtomarín, As Nogais e Antas de Ulla.
- Entre unha semana en 15 días sen casos: Navia de Suarna. Únese Ribeira de Piquín.
- Máis de quince días limpo: Negueira de Muñiz e Cervantes.
Ribeira Sacra
- Chantada: 61 contaxios (2 máis).
- Folgoso do Courel: 19.
- Monforte: 93 casos (11 máis).
- O Saviñao: 29 enfermos (5 menos).
- Pantón: 17.
- Quiroga: 17 casos (5 máis).
- Taboada: 14 contaxios (1 máis).
- Por debaixo de 10 contaxios: A Pobra de Brollón, Bóveda, Sober, Ribas de Sil e Carballedo.
RESTRICIÓNS
Entran en marcha novas restricións para atallar o novo crecemento do virus.
- Indica así que será obrigatorio presentar o certificado COVID en residencias, ximnasios, piscinas e actividades deportivas en instalacións pechadas; actos multitudinarios ou con autorización para a venda e consumo de alimentos.
- Non se permite a realización de cócteles e actos de recepción con aperitivo e público de pé.
- Mantense a esixencia do certificado covid na hostalaría. Os restaurantes pedirano durante todo o día e os bares a partir das 21.00 horas. No ocio nocturno segue a ser obrigado independente do nivel de seguridade.
- As mesas en interiores quedan reducidas de 10 a 8 comensais e en exteriores de 20 a 15.
- Os venres e sábados os establecementos hostaleiros poden pechar á 1.30 horas. O resto de días o horario de peche está fixado para a 1.00 horas.
- No lecer nocturno. Os pubs poderán abrir os venres e sábados ata as 4.30 horas. O resto de días ata as 4.00 horas. As discotecas e salas de concertos poderán pechar ás 5.00 horas.
- A máscara seguirá sendo obrigatoria en espazos pechados e cando non se poida manter unha distancia de 1,5 m.
