A covid continúa co seu avance imparable coa hospitalización de novo en crecemento xunto a un continuo aumento de contaxios aos que se suman dous novos falecidos. Nesta xornada o aumento viuse paliado polo elevado número de altas.
Así, hoxe hai 5.971 casos activos, 422 máis que onte, con 547 novos contaxios e 126 altas. Onte os casos subiron en 481, con 563 novos contaxios e 88 altas.
Ademais, dende que comezou a pandemia, no mes de marzo do 2020, hai 27.983 casos rexistrados e 265 persoas falecidas, dez delas nesta sexta vaga. Son dous máis que onte, home de 46 e unha muller de 93 anos, os dous ingresados no Hula.
A presión hospitalaria volve incrementarse. Na UCI do Hula seguen 6 ingresados, mentres en planta son 23 pacientes (5 máis), 13 no de Lugo (2 máis), 5 na Mariña (2 máis) e 5 en Monforte (1 máis).
POR COMARCAS
Muras, Ribeira de Piquín e Negueira de Muñiz levan polo menos unha semana sen novos contaxios, ao igual que onte. Ademais, só 7 concellos seguen por debaixo dos dez contaxiados (3 menos que onte) e o crecemento é elevadísimo en Lugo (138 máis), Burela (31), Sarria (24) e As Pontes (12).
A Mariña
- Alfoz: 11 casos.
- A Pontenova: 22 (5 máis).
- Barreiros: 36 (4 máis).
- Burela: 257 (31 máis).
- Cervo: 56 (3 máis).
- Foz: 85.
- Lourenzá: 44 (6 máis).
- Mondoñedo: 38 (4 máis).
- O Valadouro: 15.
- O Vicedo: 15 (2 menos).
- Ourol: 13 (1 máis).
- Ribadeo: 137 (12 máis).
- Viveiro: 230 (10 máis).
- Xove: 37 (9 máis).
- Por debaixo de 10: Riotorto e Trabada.
Terra Chá
- Abadín: 15 contaxios.
- A Pastoriza: 17.
- As Pontes: 168 (12 máis).
- Begonte: 43 (2 máis).
- Castro de Rei: 48 (4 máis).
- Cospeito: 58 (4 máis).
- Friol: 37 (2 menos).
- Guitiriz: 66 (7 máis).
- Meira: 12 (1 menos).
- Outeiro de Rei: 76 (2 máis).
- Rábade: 27 (4 máis).
- Vilalba: 256 (2 máis).
- Xermade: 23 (2 máis).
- Por debaixo de 10 contaxios: Pol.
- Máis de quince días limpo: Muras.
Comarca de Sarria
- Láncara: 49 enfermos (3 máis).
- O Incio: 20 (2 máis).
- O Páramo: 11.
- Paradela: 17.
- Samos: 15 (1 máis).
- Sarria: 306 (24 máis).
- Por debaixo de 10 contaxios: Triacastela.
Centro da provincia
- A Fonsagrada: 48 positivos (8 máis).
- Antas de Ulla: 10.
- Baleira: 11.
- Baralla: 39 (1 máis).
- Becerreá: 48 (9 máis).
- Castroverde 43 (4 máis).
- Cervantes: 18 (5 máis).
- Guntín: 40 (4 máis).
- Lugo: 2.190 (138 máis).
- Monterroso: 48 (1 máis).
- Navia de Suarna: 12 (1 máis).
- O Corgo: 48 (1 máis).
- Palas de Rei: 38 (5 máis).
- Portomarín: 17 (1 menos).
- Por debaixo dos 10 casos: As Nogais e Pedrafita.
- Unha semana sen casos: Negueira de Muñiz.
- Máis de quince días limpo: Ribeira de Piquín
Ribeira Sacra
- A Pobra do Brollón: 13 enfermos.
- Bóveda: 15 (1 menos).
- Carballedo: 14 (1 máis).
- Chantada: 113 (3 máis).
- Folgoso do Courel: 12.
- Monforte: 402 (8 máis).
- O Saviñao: 40.
- Pantón: 48 (1 menos).
- Quiroga: 40 (1 máis).
- Sober: 45 (5 máis).
- Taboada: 32.
- Por debaixo de 10 contaxios: Ribas de Sil.
RESTRICIÓNS
- A hostalería terá que pechar ás 00.00 horas todos os días desde a noite do 30 de decembro ao 18 de xaneiro, agás os venres e os sábados que poderá abrir ata a 1.00 horas.
- No lecer nocturno. Os pubs poderán abrir ata as 2.00 horas.
- Toque de non queda no que non será posible quedar con ningunha persoa entre as 2.00 e as 6.00 horas.
- Prohíbese o consumo en barra e vétanse os eventos musicais masivos.
- Certificado covid na hostalaría e nas residencias, ximnasios, piscinas e actividades deportivas en instalacións pechadas; actos multitudinarios ou con autorización para a venda e consumo de alimentos.
- Segue sendo obrigatorio o uso de máscaras en interior e en exterior agás para a práctica deportiva individual e en espazos naturais con distancia de seguridade.
- As reunións de non convivintes en interiores quedan reducidas a 8 comensais en interior e 10 en exteriores.
- A cuarentenas de positivos asintomáticos serán de 7 días (en lugar de 10).
- Redución ao 75% dos aforos en competicións profesionais ao exterior e do 50% nos interiores.
