As estatísticas do Sergas manteñen un crecemento da covid continuo aínda que de forma contida grazas ás numerosas altas e ao novo sistema que non rexistra todos os positivos que se producen.
Así, hoxe hai 6.620 casos activos, 309 máis que onte, con 365 novos contaxios e 272 altas. Onte os casos subiron en 129, con 372 novos contaxios e 243 altas.
Ademais, dende que comezou a pandemia, no mes de marzo do 2020, hai 29.357 casos rexistrados e 265 persoas falecidas, dez delas nesta sexta vaga.
A presión hospitalaria volve incrementarse. Na UCI do Hula seguen 5 ingresados , mentres en planta son 31 pacientes (4 máis), 18 no de Lugo (2 máis), 7 na Mariña (1 máis) e 6 en Monforte (1 máis).
POR COMARCAS
Continúan o descenso de casos positivos, en especial na zona Sur na análise de concello a concello. Monforte e Vilalba seguen á baixa mentres Lugo diminúe en novos contaxios, (53 máis, cando onte foron 58) e tamén suma Burela (17 máis). O resto que soben faino por debaixo de 10.
Muras e Ribeira de Piquín son os únicos que levan polo menos unha semana sen novos contaxios. Ademais, só 8 concellos seguen por debaixo dos dez contaxiados (1 menos que onte).
A Mariña
- Alfoz: 11.
- A Pontenova: 28 (1 máis).
- Barreiros: 41 (3 máis).
- Burela: 299 (17 máis).
- Cervo: 59.
- Foz: 103 (8 máis).
- Lourenzá: 40 (2 menos).
- Mondoñedo: 34 (1 máis).
- O Valadouro: 18.
- O Vicedo: 14 (3 menos).
- Ourol: 18 (7 máis).
- Ribadeo: 127 (2 menos).
- Viveiro: 246 (7 máis).
- Xove: 35 (3 menos).
- Por debaixo de 10: Riotorto e Trabada.
Terra Chá
- Abadín: 22 contaxios (1 menos).
- A Pastoriza: 22 (2 máis).
- As Pontes: 183.
- Begonte: 52 (9 máis).
- Castro de Rei: 61 (6 máis).
- Cospeito: 59 (3 máis).
- Friol: 35 (1 menos).
- Guitiriz: 73 (2 menos).
- Meira: 13 (2 máis).
- Outeiro de Rei: 77 (1 menos).
- Rábade: 37 (2 máis).
- Vilalba: 217 (21 menos).
- Xermade: 22 (2 menos).
- Por debaixo de 10 contaxios: Pol.
- Máis de quince días limpo: Muras.
Comarca de Sarria
- Láncara: 63 enfermos (1 menos).
- O Incio: 21.
- O Páramo: 19 (1 máis).
- Paradela: 17.
- Samos: 19 (1 máis).
- Sarria: 346 (9 máis).
- Triacastela: 10.
Centro da provincia
- A Fonsagrada: 55 positivos.
- Antas de Ulla: 13 (1 máis).
- Baralla: 46 (1 máis).
- Becerreá: 46 (2 menos).
- Castroverde 32 (5 menos).
- Cervantes: 22 (3 máis).
- Guntín: 39 (1 menos).
- Lugo: 2.375 (53 máis).
- Monterroso: 55.
- Navia de Suarna: 13.
- O Corgo: 50 (9 máis).
- Palas de Rei: 41 (1 menos).
- Pedrafita: 12
- Portomarín: 20.
- Por debaixo dos 10 casos: As Nogais, Baleira e Negueira de Muñiz.
- Máis de quince días limpo: Ribeira de Piquín
Ribeira Sacra
- A Pobra do Brollón: 13 enfermos.
- Carballedo: 12 (2 menos).
- Chantada: 125 (2 máis).
- Folgoso do Courel: 18 (5 máis).
- Monforte: 380 (9 menos).
- O Saviñao: 33 (5 menos).
- Pantón: 45 (4 menos).
- Quiroga: 41 (2 máis).
- Sober: 39 (3 menos).
- Taboada: 30 (2 menos).
- Por debaixo de 10 contaxios: Ribas de Sil e Bóveda.
RESTRICIÓNS
- A hostalería terá que pechar ás 00.00 horas todos os días desde a noite do 30 de decembro ao 18 de xaneiro, agás os venres e os sábados que poderá abrir ata a 1.00 horas.
- No lecer nocturno. Os pubs poderán abrir ata as 2.00 horas.
- Toque de non queda no que non será posible quedar con ningunha persoa entre as 2.00 e as 6.00 horas.
- Prohíbese o consumo en barra e vétanse os eventos musicais masivos.
- Certificado covid na hostalaría e nas residencias, ximnasios, piscinas e actividades deportivas en instalacións pechadas; actos multitudinarios ou con autorización para a venda e consumo de alimentos.
- Segue sendo obrigatorio o uso de máscaras en interior e en exterior agás para a práctica deportiva individual e en espazos naturais con distancia de seguridade.
- As reunións de non convivintes en interiores quedan reducidas a 8 comensais en interior e 10 en exteriores.
- A cuarentenas de positivos asintomáticos serán de 7 días (en lugar de 10).
- Redución ao 75% dos aforos en competicións profesionais ao exterior e do 50% nos interiores.
