Os casos activos de covid volven baixar de forma máis sustancial que na xornada pasada.
Así, hoxe hai 6.691 casos activos, 209 menos que onte, con 511 novos contaxios e 722 altas. Onte os casos baixaron en 27, con 590 novos contaxios e 613 altas.
Ademais, dende que comezou a pandemia, no mes de marzo do 2020, hai 42.913 casos rexistrados e 280 persoas falecidas.
A presión hospitalaria redúcese lixeiramente de novo. Na UCI do Hula son 7 os ingresados, mentres en planta son 74 os pacientes (1 menos), 57 no de Lugo (2 menos), 10 na Mariña (1 máis) e 7 en Monforte.
POR COMARCAS
A contención parece a ser a nota dominante este domingo con poucos cambios drásticos e unha tendencia xeralizada á baixa. As máis destacadas son a de Lugo con 110 menos, Ribadeo cunha baixada de 16, Guitiriz e Chantada de 13 e Castro de Rei de 12.
No tocante ás subidas practicamente todas están por debaixo dos 10 casos agás Monforte con 16 casos máis.
Agora mesmo xa non hai ningún concello limpo de covid e son catro os que teñen menos de dez casos: Negueira de Muñiz, Ribeira de Piquín, Ourol e Muras.
A Mariña
- Alfoz: 37.
- A Pontenova: 105 (3 máis).
- Barreiros: 90 (3 menos).
- Burela: 278 (10 menos).
- Cervo: 160 (2 menos).
- Foz: 275 (1 máis).
- Lourenzá: 60 (3 máis).
- Mondoñedo: 126.
- O Valadouro: 70 (6 menos).
- O Vicedo: 41 (2 máis).
- Ourol: Por debaixo de 10.
- Ribadeo: 286 (16 menos).
- Riotorto: 22 (1 máis).
- Trabada: 18 (3 menos).
- Viveiro: 342 (1 menos).
- Xove: 76 (5 máis).
Terra Chá
- Abadín: 48 contaxios (1 menos).
- A Pastoriza: 100 (2 máis).
- As Pontes: 266 (2 menos).
- Begonte: 58 (1 menos).
- Castro de Rei: 110 (12 menos).
- Cospeito: 96 (3 máis).
- Friol: 53 (9 menos).
- Guitiriz: 108 (13 menos).
- Meira: 54 (1 menos).
- Muras: Por debaixo de 10.
- Outeiro de Rei: 115 (7 menos).
- Pol: 24 (1 máis).
- Rábade: 22 (3 menos).
- Vilalba: 389 (1 máis).
- Xermade: 31 (3 menos).
Comarca de Sarria
- Láncara: 53 enfermos (3 menos).
- O Incio: 38 (1 menos).
- O Páramo: 38 (1 menos).
- Paradela: 44 (5 menos).
- Samos: 27 (2 menos).
- Sarria: 379 (29 menos).
- Triacastela: 15 (1 menos).
Centro da provincia
- A Fonsagrada: 78 positivos (8 máis).
- As Nogais: 10 (1 menos).
- Antas de Ulla: 29 (4 máis).
- Baleira: 19.
- Baralla: 62.
- Becerreá: 66 (5 máis).
- Castroverde 62 (2 menos).
- Cervantes: 16 (1 menos).
- Guntín: 54 (7 menos).
- Lugo: 2.725 (110 menos).
- Monterroso: 65 (5 menos).
- Navia de Suarna: 14 (2 máis).
- Negueira de Muñiz: Por debaixo de 10.
- O Corgo: 56 (5 menos).
- Palas de Rei: 64 (1 menos).
- Pedrafita: 10.
- Portomarín: 16.
- Ribeira de Piquín: menos de 10 casos.
Ribeira Sacra
- A Pobra do Brollón: 55 enfermos (3 menos).
- Bóveda: 17 (1 menos).
- Carballedo: 50 (1 máis).
- Chantada: 305 (13 menos).
- Folgoso do Courel: 10 (1 menos).
- Monforte: 439 (16 máis).
- O Saviñao: 52 (3 máis).
- Pantón: 48 (1 menos).
- Quiroga: 73).
- Ribas de Sil: 30.
- Sober: 30 (1 máis).
- Taboada: 50 (1 máis).
RESTRICIÓNS
- A hostalaría terá que pechar ás 01.00 horas todos os días, agás os venres e os sábados que poderá abrir ata a 1.30 horas.
- No lecer nocturno. Os pubs poderán abrir ata as 4.30 horas.
- Permítese o consumo en barra.
- Certificado covid na hostalaría e nas residencias, ximnasios, piscinas e actividades deportivas en instalacións pechadas; actos multitudinarios ou con autorización para a venda e consumo de alimentos.
- Segue sendo obrigatorio o uso de máscaras en interior e en exterior agás para a práctica deportiva individual e en espazos naturais con distancia de seguridade.
- As reunións de non convivintes en interiores quedan reducidas a 8 comensais en interior e 15 en exteriores.
- A cuarentenas serán de 7 días (en lugar de 10).
