Hoxe pola tarde apareceu sen vida un Zifio de Cuvier na zona coñecida como Ollo do Mar do Concello de Foz. Unha embarcación de Salvamento Marítimo aachegouno ao porto para a súa recollida e autopsia e así averiguar as causas do seu falecemento.
O zifio de Cuvier é unha especie de cetáceo odontoceto que pode acadar 6,7 m e as femias máis de 7 m e o seu peso pode chegar aos 5.000-6.000 kg.
A etimoloxía vén do grego xiphos (espada), e por iso, literalmente zifio significa balea con nariz de espada e caracterízanse pola presenza dun fuciño pronunciado.
Ten unha ampla distribución a través dos océanos Atlántico, Pacífico e Índico e a súa presenza en augas próximas a Galicia é pouco frecuente.
En 2008 a UICN catalogou o estado do zifio de Cuvier na súa Lista vermella como puco preocupante (LC). Aínda que non se dispón de estimacións globais sobre a poboación total deste cetáceo, considérase que non é inferior aos 100 000 individuos.