A segunda Proba Popular de Orientación a pé Concello de Lourenzá, celebrarase o domingo día 13 de marzo.
Está organizada conxuntamente polo Club Atletismo Lourenzá e o Club Compás, e coa colaboración do Concello de Lourenzá e as Escolas Deportivas Lourenzá.
O inicio deste evento deportivo terá lugar ás 10.30 horas dende o campo da feira de Lourenzá e o peche de meta será ás 12.45 horas. Haberá tres categorías: Iniciación Curta (menores de 10 anos, con 12 balizas), Iniciación Longa (para maiores de 10 anos, con 14 balizas), e avanzada/adestro federados (con 22 balizas).
Antes da saída daránselles instrucións aos corredores noveis nas probas de orientación. Haberá trofeos para os tres primeiros clasificados en cada categoría.
