A covid segue coa baixada de casos activos pero cun dato en contra, o aumento de novos contaxios que ralentizan a contención do virus.
Así, hoxe hai 6.148 casos activos, 57 menos que onte, con 585 novos contaxios e 636 altas. Onte os casos baixaron en 189, con 479 novos contaxios e 666 altas.
Ademais, dende que comezou a pandemia, no mes de marzo do 2020, hai 44.389 casos rexistrados e 285 persoas falecidas, catro máis que onte. Trátase de dous homes de 87 e 91 anos e dúas mulleres de 91 e 89.
A presión hospitalaria redúcese algo. Na UCI do Hula son 6 os ingresados, mentres en planta son 69 os pacientes (9 menos), 49 no de Lugo (7 menos), 10 na Mariña (2 menos) e 10 en Monforte.
POR COMARCAS
A zona norte da provincia define de forma máis clara a tendencia á baixa mentres que no sur prodúcense o contrario, con tendencia ao crecemento. Volven as subidas de casos puntuais, Chantada con 31 casos máis, Viveiro con 14, Monforte con 13, Castro e O Saviñao con 10
Destacan as baixadas novamente de Lugo, con 81 menos, O Valadouro con 33 (do gromo dos maiores), Burela con 15, Vilalba con 14 e Mondoñedo con 11 e Outeiro de Rei con 10.
Ningún concello está limpo de covid e son cinco os que teñen menos de dez casos. Negueira de Muñiz, Ribeira de Piquín, Ourol, Muras e Pedrafita, que se suma o mesmo día que Folgoso do Courel volve subir por riba de 10.
A Mariña
- Alfoz: 37 (1 menos).
- A Pontenova: 103.
- Barreiros: 84 (5 menos).
- Burela: 237 (15 menos).
- Cervo: 143 (8 menos).
- Foz: 286 (2 máis).
- Lourenzá: 51 (4 menos).
- Mondoñedo: 116 (11 menos).
- O Valadouro: 37 (33 menos).
- O Vicedo: 43 (1 menos).
- Ourol: Por debaixo de 10.
- Ribadeo: 266 (5 menos).
- Riotorto: 26 (1 máis).
- Trabada: 27 (4 máis).
- Viveiro: 363 (14 máis).
- Xove: 88 (5 máis).
Terra Chá
- Abadín: 47 contaxios.
- A Pastoriza: 86 (1 menos).
- As Pontes: 310 (2 máis).
- Begonte: 52 (3 menos).
- Castro de Rei: 113 (10 máis).
- Cospeito: 104 (1 máis).
- Friol: 52 (5 menos).
- Guitiriz: 94 (7 menos).
- Meira: 66 (4 menos).
- Muras: Por debaixo de 10.
- Outeiro de Rei: 103 (10 menos).
- Pol: 22 (1 máis).
- Rábade: 21.
- Vilalba: 386 (14 menos).
- Xermade: 35 (2 máis).
Comarca de Sarria
- Láncara: 57 enfermos (4 máis).
- O Incio: 37.
- O Páramo: 46.
- Paradela: 37.
- Samos: 23 (5 máis).
- Sarria: 361 (5 menos).
- Triacastela: 13 (2 menos).
Centro da provincia
- A Fonsagrada: 76 positivos (2 menos).
- As Nogais: 13 (1 máis).
- Antas de Ulla: 33 (1 menos).
- Baleira: 21 (1 máis).
- Baralla: 56 (3 menos).
- Becerreá: 70 (5 máis).
- Castroverde 59 (4 menos).
- Cervantes: 16 (3 menos).
- Guntín: 52 (1 menos).
- Lugo: 2.589 (81 menos).
- Monterroso: 74 (4 máis).
- Navia de Suarna: 10 (1 menos).
- Negueira de Muñiz: Por debaixo de 10.
- O Corgo: 52 (2 menos).
- Palas de Rei: 69 (1 menos).
- Pedrafita: Por debaixo de 10.
- Portomarín: 16 (2 menos).
- Ribeira de Piquín: menos de 10 casos.
Ribeira Sacra
- A Pobra do Brollón: 47 enfermos.
- Bóveda: 17 (1 menos).
- Carballedo: 60 (4 máis).
- Chantada: 333 (32 máis).
- Folgoso do Courel: Sobe de novo a 12.
- Monforte: 473 (13 máis).
- O Saviñao: 79 (10 máis).
- Pantón: 48 (1 menos).
- Quiroga: 72.
- Ribas de Sil: 28 (2 menos).
- Sober: 34 (4 máis).
- Taboada: 66 (7 máis).
RESTRICIÓNS
- A hostalaría terá que pechar ás 01.00 horas todos os días, agás os venres e os sábados que poderá abrir ata a 1.30 horas.
- No lecer nocturno. Os pubs poderán abrir ata as 4.30 horas.
- Permítese o consumo en barra.
- Certificado covid na hostalaría e nas residencias, ximnasios, piscinas e actividades deportivas en instalacións pechadas; actos multitudinarios ou con autorización para a venda e consumo de alimentos.
- Segue sendo obrigatorio o uso de máscaras en interior e en exterior agás para a práctica deportiva individual e en espazos naturais con distancia de seguridade.
- As reunións de non convivintes en interiores quedan reducidas a 8 comensais en interior e 15 en exteriores.
- A cuarentenas serán de 7 días (en lugar de 10).
