Volven aumentar lixeiramente os casos activos pero cae en picado a hospitalización nunha nova xornada na que se suman dous falecidos máis.
Así, hoxe hai 5.108 casos activos, 78 máis que onte, con 420 novos contaxios e 338 altas. Onte os casos baixaron en 77, con 402 novos contaxios e 472 altas.
Ademais, dende que comezou a pandemia, no mes de marzo do 2020, hai 48.240 casos rexistrados e 299 persoas falecidas (2 máis que onte).
A presión hospitalaria cae de novo. Na UCI do Hula baixan a 5 os ingresados (2 menos), mentres en planta son 43 os pacientes (8 menos), 31 no de Lugo (8 menos), 6 na Mariña e 6 en Monforte.
POR COMARCAS
Ralentízase a baixada dos contaxios concello a concello con poucos saltos. Destaca a baixa de 27 de Lugo, 23 de Monforte, 19 de Sarria, 16 de Foz, 15 de Chantada e 10 na Pastoriza. Os poucos que baixan fano por debaixo de dez casos novos.
Negueira de Muñiz segue só entre os concellos limpos, e con menos de dez están Navia de Suarna, Ribeira de Piquín, Ourol, Muras, Triacastela, Pedrafita e Ribas de Sil.
A Mariña
- Alfoz: 30 casos (1 máis).
- A Pontenova: 40 (8 menos).
- Barreiros: 37 (3 menos).
- Burela: 153 (2 menos).
- Cervo: 82 (9 menos).
- Foz: 192 (16 menos).
- Lourenzá: 33 (3 menos).
- Mondoñedo: 64 (1 menos).
- O Valadouro: 18 (2 máis).
- O Vicedo: 27 (5 menos).
- Ourol: Por debaixo de 10.
- Ribadeo: 142 (1 máis).
- Riotorto: 22 (1 menos).
- Trabada: 35 (1 máis).
- Viveiro: 289 (7 menos).
- Xove: 71 (4 menos).
Terra Chá
- Abadín: 47 contaxios (1 máis).
- A Pastoriza: 50 (10 menos).
- As Pontes: 253 (1 menos).
- Begonte: 32.
- Castro de Rei: 149 (4 máis).
- Cospeito: 86 (5 menos).
- Friol: 36 (2 menos).
- Guitiriz: 51 (5 menos).
- Meira: 64 (2 máis).
- Muras: Por debaixo de 10.
- Outeiro de Rei: 66 (3 menos).
- Pol: 50 (4 máis).
- Rábade: 25 (1 menos).
- Vilalba: 343 (1 menos)
- Xermade: 18 (3 menos).
Comarca de Sarria
- Láncara: 48 enfermos (8 menos).
- O Incio: 20.
- O Páramo: 31 (2 menos).
- Paradela: 20 (2 menos).
- Samos: 14.
- Sarria: 251 (19 menos).
- Triacastela: Por debaixo de 10.
Centro da provincia
- A Fonsagrada: 61 positivos (7 menos).
- As Nogais: 17 (1 máis).
- Antas de Ulla: 40 (1 máis).
- Baleira: 13 (4 menos).
- Baralla: 44 (6 máis).
- Becerreá: 45 (6 menos).
- Castroverde 36 (2 menos).
- Cervantes: 18 (2 máis).
- Guntín: 29 (5 menos).
- Lugo: 2.322 (27 menos).
- Monterroso: 84 (3 menos).
- Navia de Suarna: Por debaixo de 10.
- Negueira de Muñiz: Unha semana sen casos.
- O Corgo: 54 (4 máis).
- Palas de Rei: 40 (1 menos).
- Pedrafita: Por debaixo de 10.
- Portomarín: 17 (1 menos).
- Ribeira de Piquín: menos de 10 casos.
Ribeira Sacra
- A Pobra do Brollón: 24 enfermos (10 menos).
- Bóveda: 13 (1 menos).
- Carballedo: 44 (6 menos).
- Chantada: 281 (15 menos).
- Folgoso do Courel: 17 (1 menos).
- Monforte: 440 (23 menos).
- O Saviñao: 85 (1 menos).
- Pantón: 25 (2 menos).
- Quiroga: 44 (1 máis).
- Ribas de Sil: Por debaixo de 10.
- Sober: 20 (3 menos).
- Taboada: 65 (6 menos).
RESTRICIÓNS
- A hostalaría terá que pechar ás 01.00 horas todos os días, agás os venres e os sábados que poderá abrir ata a 1.30 horas.
- No lecer nocturno. Os pubs poderán abrir ata as 4.30 horas.
- Permítese o consumo en barra.
- Certificado covid na hostalaría e nas residencias, ximnasios, piscinas e actividades deportivas en instalacións pechadas; actos multitudinarios ou con autorización para a venda e consumo de alimentos.
- Segue sendo obrigatorio o uso de máscaras en interior.
- As máscaras en exterior non son obligatorias.
- As reunións de non convivintes en interiores quedan reducidas a 8 comensais en interior e 15 en exteriores.
- A cuarentenas serán de 7 días (en lugar de 10).
