O Centro de Día de Abadín retomou as súas actividades no exterior cunha excursión ao Museo do Castro de Viladonga.
Os participantes saíron do centro sobre as 11 da mañá e regresaron para a hora do xantar. Visitaron o museo e as súas instalacións e participaron nun obradoiro sorpresa que lles tiñan preparado.
O obxectivo de realizar esta excursión foi coñecer e visitar o museo e o castro, activar a curiosidade cara novas contornas, desfrutar dun día distinto na naturaleza fóra da rutina habitual do centro e potenciar a socialización dos usuarios entre eles e coa comunidade próxima.
