As dez ideas finalistas da oitava edición do Concurso de Proxectos Empresariais Semente Ribeira Sacra, foron xa elixidas. Os seleccionados teñen de prazo ata o vindeiro 30 de setembro para presentar o proxecto rematado achegando os arquivos en formato PDF a través do formulario na intranet de concursantes da web www.sementeribeirasacra.org.
O xurado desta iniciativa, decantouse finalmente polos seguintes traballos:
- Lácteos Ribeira Sacra. Comercialización de produtos propios.
- Energhius: Smarth energy harvesting. Tecnoloxía para dotar de enerxía dispositivos loT.
- Toxo. Laboratorio cosmético.
- FungiGal: produción de fungos comestibles.
- Peral Project. Novas tecnoloxías para o benestar das persoas maiores.
- A Maruxiña. Granxa de galiñas en ecolóxico e centro de interpretación.
- Elaboración sostible de tepes para xardinería.
- As barricas da Ribeira. Aloxamento turístico en barricas.
- Casa Do Curuxo. Aloxamento e bodega, economía circular.
- Beniu Soluciones. Tratamentos fitosanitarios con drons.
Os finalistas teñen ata o vindeiro 30 de setembro do 2022 para aportar tódala documentación do proxecto rematado en formato PDF a través do formulario da intranet. Finalmente, o 12 de novembro pola mañá, defenderán as súas propostas ante o xurado que, trala deliberación, darán a coñecer ós gañadores. Xa pola noite, celebrarase a gala de entrega de premios.
A dotación económica dos premios desta edición é de 10.000 euros para o primeiro premiado, 5.000 euros para o segundo e 3.000 euros para o terceiro.
NACEMENTO DO PROXECTO
O concurso de proxectos empresariais Semente Ribeira Sacra, premia anualmente dende o ano 2014, as mellores ideas de inciativa empresarial co obxectivo de promover a solidaridade entre o pobo de Monforte de Lemos e sementar iniciativas que axuden ao desenvolvemento da localidade. Para conseguilo, organizan anualmente o seu concurso de proxectos empresariais Semente Ribeira Sacra coa colaboración de organismos oficiais como o Instituto de Promoción Económica (IGAPE).
