Este domingo, 7 de agosto, Vilar de Donas acolle XXIX Feira do Cabalo. A actividade que comeza as 10:30 coa apertura do recinto feiral conta este ano con nove probas de competición entre as que se encontran andadura serrada, andadura chapeada, pura sangue árabe, cruzados, país ou burros.
Os animais que participen teñen que ser maiores de dous anos e ter a correspondente documentación que acredite a súa raza. As inscricións realizaranse no propio recinto entre as 10:00 e as 12:00 e os premios que se repartirán en cada categoría ascenden a case 2500 euros.
O longo da xornada terá lugar o nomeamento como novo cabaleiro da orde santiaguesa de Vilar de Donas ó ex-alcalde de Palas de Rei, Fernando Pensado, un recoñecemento entregado ás persoas que colaboran co desenvolvemento da localidade.
Programación
- 10:30 – Apertura do recinto feiral
- 11:00 – Proba de andadura dous tempos (serrada)
- 11:45 – Proba de andadura catro tempos (chapeada)
- 12:30 – Proba de velocidade cruzados
- 13:30 – Descanso para xantar. Haberá servizo de restauración no recinto
- 16:00 – Proba de velocidade pura sangue inglés
- 16:45 – Proba de velocidade pura raza árabe
- 17:35 – Carreira de burros
- 18:30 – Estampa e beleza
- 19:30 – Entrega de premios e trofeos
