O alcalde do concello do Incio, Héctor Corujo, participa na presentación desta iniciativa organizada por varios promotores, un deles veciño de Eirexalba, Danny Ray Portilla.
Este proxecto inclúe a construción de 16 vivendas sostibles, así como a rehabilitación dalgunha casa da mesma aldea que destinarán tanto á venda, como ao aluguer con fins turísticos.
O PROXECTO
A Aldea de Covo está situada en Eirexalba, unha zona rural do concello de O Incio, Lugo.
O proxecto de aldea sostible cubre máis de 20 mil metros cadrados e inclúe 16 vivendas pasivas que optimizarán os recursos existentes para reducir ao mínimo o consumo de enerxía.
Cada vivenda terá a súa propia horta permacultura. A permacultura é a filosofía de traballar coa natureza, en lugar de na súa contra; grazas a ela, poderase ter unha horta ecolóxica cuxo esforzo de mantemento sexa moito menor do normal.
