A Casa Escola de Cabreiros acollerá o xoves 22 de setembro, unha charla sobre dano cerebral adquirido, organizada por Adace Lugo, a partir das 18.00 horas.
A intervención estará ao cargo de Pablo Freire Portela, traballador social de Adace Lugo.
A charla está dirixida a toda a poboación, centrada na prevención dos traumatismos cranioencefálicos derivados de distintos riscos asumidos como accidentes de tráfico, golpes, contusións e caídas.
Tamén se falará sobre o ictus, dado que o exercicio físico realizado ao camiñar ou pedalear é un hábito moi saudable que, combinado con outros, axuda á prevención do que é a principal causa do dano cerebral adquirido.
