O vindeiro día 12 de outubro, terá lugar nas Pontes o I Ciclocross Lago das Pontes, proba internacional da categoría C2-UCI, que se celebrará nun espazo natural único, o lago artificial máis grande de España.
A competición está organizada polo Club Ciclista As Pontes-Vilalba. A proba está aberta a todas as categorías Elite-Sub 23, júnior, cadete e máster 30/40/50 e 60 femininas e masculinas.
O circuíto conta dun total de 3.300 metros, con 2.500 de herba, 450 de grava, 200 de terra e 150 de area.
A inscrición nesta primeira edición é gratuíta para as categorias cadete-júnior-Sub23 e Elite. Os de categorías Master deberán abonar 12 euros.
A sesión deará comezo ás 9.30 horas da mañá coas categorías máster para continuar coas de Elite, júnior e cadete. A entrega de premios farase ao rematar cada categoría.
