Deron comezo os traballos de construción de tres pistas de petanca na rúa Dionisio Gamallo Fierros. O investimento ascende a 14.500 euros e o prazo de execución será dun mes.
O concelleiro de Economía, Pablo Vizoso, explicou que “deron comezo os traballos de construción de tres pistas de petanca na rúa Dionsio Gamallo Fierros, a carón da oficina de turismo de Ribadeo”.
O edil ribadense subliñou que “debido á grande demanda existente por parte da poboación decidimos desde o equipo de goberno ampliar a zona para a práctica deste deporte, que reúne a tantas persoas no parque de San Francisco a diario desde hai xa bastante tempo”.
Vizoso Galdo contou que “deste xeito dentro dun mes contaremos con tres novas pistas, que se unen á zona habilitada no seu día no parque. Esas tres pistas estarán separadas por taboleiros de madeira. O investimento ascenderá a 14.500 euros procedentes de fondos propios do Concello e o prazo de execución será dun mes”. Os traballos estaos a realizar a empresa Gestión Gratelu.
