Dende o grupo de teatro de Antas de Ulla organizan dous cursos de formación en técnicas teatrais impartidos por profesionais do mundo da escena e para todos aqueles que desexen desfrutar do teatro.
Este domingo 20 de novembro Aida Cobas impartirá un curso de adestramento actoral dirixido a maiores de 16 anos. A formación terá un horario de mañá e tarde, dende ás 10.30 ata ás 13.30 e dende ás 16.30 ata ás 19.30 e disporá dun total de 20 prazas.
O próximo sábado 3 de decembro será Antón Coucheiro que impartirá unha formación sobre improvisación dirixido tamén a maiores de 16 anos. O horario será de 10.30 a 13.30 e de 16.30 a 19.30 cun total de 20 prazas dispoñibles.
Para reservar praza será necesario facelo a través dos seguintes números de teléfono 652 847 317 ou 654 286 240.
