Cervo presenta un amplo programa para as festas de Nadal no que conta cunha completa axenda de eventos e actividades dirixidas a todos os públicos.
A programación iníciase este sábado 17 de decembro coa celebración do Mercado de Nadal na praza do Souto de 11.00 a 20.00 horas, e continuará o domingo co XIV Campionato de Nadal de Nihon TaiJitsu ás 11.00 horas no pavillón. Durante todo o día haberá pasarrúas do grupo Dambara de Burela e comezarán as visitas de Papá de Noel, nesta ocasión ao local social de Trasbar ás 17.00 horas.
O mércores 22 Papá Noel estará nos centros escolares do Concello, o día 23 o será a quenda dun tren infantil na carpa instalada na praza dos Campos e pola noite poderase desfrutar dun concerto de jazz.
O 24 tamén haberá tren infantil e a celebración da Noiteboa infantil en Cervo organizada pola Fervenza de Sargadelos. O 26 haberá unha festa acuática infantil na piscina de Lieiro ás 17.00 horas e pola noite o primeiro dos preconcertos do CalloFest e O Son do Nordeste.
O martes 27 será a sesión de Lasertag ás 16.30 horas na carpa da praza dos Campos e volverá a música pola noite d Son do Nordeste e o pre-Callofest cos Botafumeiros. Xa o 28 Fran Boza fará desfrutar ao público cos seus malabares ás 18.30 horas e pola noite volverá a música do pre-Callofest con Joni Ramos & Sunday Morning Club.
Na xornada do 29 de decembro Rudi Rudi: Clowntaminación estará ás 18.30 na praza do Souto e pola noite The Lazy Bones serán o derradeiro concerto pre-Callofest, pois o venres 30 comezará o festival na praza dos Campos organizada polos amigos da Troula.
O último día do ano, o 31 de decembro, os Veciños do Burgo de Trasbar organiza no seu local un brindis de Fin de ano ás 19.00 horas e pola noitiña a festa de Aninovo desprazarase ata a praza dos Campos.
Xa en xaneiro volverán as actividades para nenos coa colchoneta Tubby os días 2, 3 e 4, e os contacontos de Rilo & Penadique o día 2 e o concerto de The Versionettes o día 3 na praza do Souto, e a gala de Nadal o día 4 na praza do Campos ou no auditorio.
Os Reis Magos, como non podería ser doutro xeito, teñen tamén moito protagonismo nesta programación, por iso o 5 de xaneiro os pequenos da casa poderán desfrutar das Súas Maxestades de Oriente dende San Cibrao e ata Cervo.
Por último, o sábado 7 de xaneiro, será a quenda dun espectáculo infantil musical ás 12.30 horas e do teatro ás 20.30 horas co grupo O Bordelo. O domingo 8 haberá unha actuación de maxia a cargo de Dani García na praza do Souto.
