A coordinadora Eólica, Así Non convoca á sociedade galega a mobilizarse o domingo 11 de decembro, Día Mundial das Montañas, en contra da actual “invasión eólica” que sofren os montes de Galicia baixo o lema Na defensa dás montañas. Eólica Así Non. Temos alternativa en diferentes lugares do rural galego.
En Lugo a convocatoria dará comezo ás 8.45 con un autobus que sairá dende o Multiusos da Xunta ata o punto de inicio da marcha que será en San Xoán do Alto. A marcha dará comezo ás 9.15 e percorrerá o Camiño Primitivo ata volver ao Multiusos da Xunta. Ás 12.00 terá lugar a concentración con recital.
IMPACTO DOS PROXECTOS EÓLICOS
Segundo cifras dos activistas, actualmente hai máis de 300 proxectos de enerxía eólica en tramitación en Galicia, que sumado ás liñas de evacuación e outras infraestruturas asociadas, supón un impacto “irreparable” no conxunto de montañas da Comunidade, o que “pon en risco” a supervivencia do rural así como o seu equilibrio ecolóxico.
Proxectos que nalgúns casos son “ilegais”, como afirma a plataforma. Os tribunais, engade, están a verificar estas irregularidades por causas como a proximidade ás vivendas, a invasión tanto de zonas de interese agro-gandeiro como de espazos naturais protexidos ou mesmo pola súa construción “literalmente” encima de petróglifos, patrimonio que sería irrecuperable unha vez asentada a infraestrutura.
A coordinadora pretende, con estas mobilizacións, lembrar ás administracións públicas que o ecosistema montañoso é tamén fogar e medio de vida dunha boa parte da poboación galega, “a miúdo esquecida”.
Estas comarcas que van camiño da “desertización social e industrial” atópanse indefensas #ante o “avasallamiento das enerxéticas”. Isto provoca que se devalúen as súas economías locais, prexudicando así a calidade de vida dos habitantes do medio rural, ao que se suma “a deterioración do medio natural, a paisaxe e o patrimonio”.
ESPOLIO ENERXÉTICO
Un “oligopolio eléctrico” que está a facer das montañas galegas as “principais vítimas destes mega proxectos eólicos”. Desde ‘Eólica Así Non’ afírmase que as elevacións naturais da Comunidade representan os nacentes dos ríos e regas cos que a poboación se abastece de auga e que ofrecen o 80 por cento dos recursos hídricos que consumimos.
Recursos que se verán afectados no que os activistas denomina como “espolio enerxético”, que consiste na implantación de proxectos eólicos e instalacións macro-eléctricas, co “territorio galego como sacrificio”, para mandar fose a enerxía eléctrica.
A gran escalada que está a sufrir o prezo da luz mentres a eléctricas “triplican os seus beneficios”, demostra para a organización a falsidade da afirmación de que “a máis parques eólicos máis barata será a factura da luz”.
Nas concentracións do próximo 11 de decembro aglutinaranse todas estas denuncias en defensa dos recursos que “se perderán co espolio enerxético”.
