A Fonsagrada e Becerreá acollen o vindeiro xoves 12 de xaneiro o curso Cociña Local e Turismo enmarcado no club Cociña de Ancares Terras de Burón e impartido polo experto en estratexia e márqueting orientado ao turismo, Javier Corrochano.
O curso terá unha duración de tres horas e na Fonsagrada celebrarase na Casa da Cultura de 10.00 a 13.00 mentre que en Becerreá a formación terá lugar na Casa do Concello en horario de 16.30 a 19.30.
Esta formación está orientada aos restaurantes e aloxamentos inscritos xa no clube, pero tamén a todos aqueles establecementos do territorio que poidan estar interesados. O número de prazas é limitado polo que será preciso inscribirse nos teléfonos 982 355 290 e no 659 275 743 (tamén Whatsapp) ou no email ancaresburon@gmail.com.
