Logo da celebración en novembro de 2022 das xornadas Vivemar e como consecuencia natural do Encontro de Cultura Marítima que tivo lugar nas mesmas, chega a Viveiro o II Encontro de Cultura Marítima da Mariña.
Esta xornada, que será o sábado 18 de marzo de 11.00 a 18.00 horas, servirá de punto de partida para a dinamización do patrimonio marítimo de A Mariña, tomando como referencia os traballos que se teñen feito neste ámbito no Sur de Galicia a través de Culturmar e os seus colectivos asociados.
Desta forma, contarán coa presencia de diversas asociacións que expoñerán a súa experiencia tanto en conservación como en recuperación de embarcacións tradicionais.
A asistencia é de balde e o xantar non está incluído na asistencia, cada persoa terá que facerse cargo do mesmo.
