Podemos-Esquerda Unida mantiveron nos pasados días un encontro con veciñas e veciños da zona de Camiño das Regas, para “coñecer de primeira man as súas demandas e queixas polo estado de abandono no que se encontran as rúas, así como a súa contorna que supón unha zona destacada de humedáis con diversas especies de fauna, e que dende hai anos o Concello deixou en malas condicións, trala realización de obras na zona”.
Chus Rodríguez, candidata á Alcaldía, xunto á tamén candidata Ximena Cheda, puideron observar in situ “a falta de convservación das rúas, con multitud de baches e fochancas, e sen un asfaltado adecuado, que dificultan a circulación de vehículos pola zona” e destacan “o caso dunha persoa cunha discapacidade, veciña da zon, que ten dificultades para ser recollida no seu domicilio polo difícil acceso do vehículo que a traslada a un centro de día”.
Según manifesta a cabeza de lista da coalición, Chus Rodríguez, “reclamamos ao Concello que acondicione a zona e dote dos servizos axeitados a veciñanza que alí vive. É inadmisible que o Concello se atope nunha carreira de fondo por pavimentar e peatonalizar rúas do casco urbán da cidade, mentres abandona outras zonas que precisan dunha conservación e dotacións urxentes”.
