A Asociación Amigos de Manuel Jorge de Chantada abrirá as portas da súa sede na Praza Santa Ana de Chantada o sábado 10 e domingo 11 de marzo durante a celebración da Feira do Viño de Chantada.
Nesta apertura ofrecerán, por vez primeira, a posibilidade de adquirir litografías da colección do autor chantadino Manuel Jorge.
A Asociación que xestiona o seu legado abrirá as portas da súa sede no número 8 da Praza de Santa Ana para amosar cadros e presentar un avance do museo do pintor chantadino.
O público poderá coñecer a obra de Manuel Jorge e o proxecto de conservación e difusión da súa obra, así como adquirir catálogos e incluso litografías de series numeradas, sendo a primeira vez que a súa obra se pode adquirir en Galicia.
O horario de apertura do local será de 12.00 a 14.00 horas e de 17.00 a 20.00 horas o sábado, e de 12.00 a 14.00 horas o domingo.
Ese mesmo día, pola tarde, faranse visitas baixo reserva, para o que se poderá escribir a través das redes sociais do colectivo ou escribindo a manueljorgechantada@gmail.com.
