Varios puntos do Concello de Pantón van ser mellorados despois de que técnicos de Patrimonio da Xunta de Galicia visitaran Pantón para realizar estudos para as próximas melloras a realizar neles.
Así, o Cruceiro de Castillón (o máis antigo da provincia) e o aparcamento da Igrexa de San Vicente de Pombeiro foron puntos de interese para a Xunta, así como a igrexa de San André de Ribeiras de Miño, na que se restaurará o retablo.
Ademais, poñerase en marcha a III fase da excavación do xacemento do Preguntoiro (Pombeiro).
Tamén visitaron o Castro de Guítara, onde a Consellería de Política Social e Xuventude realizará un Campo de Traballo nos meses de verán.