Castiñeiro Milenario volve celebrar este sábado 6 de maio, a partir das 18.30 da tarde no local do Pobo da Asociación Veciñal do Castro, a tradicional Foliada de Primavera.
Guiados unha vez máis por Branca Villares, festexarán un maio, “fermoso e florido, para dicir ata nunca a este longo inverno e saudar a entrada da primavera”. Consistirá na recollida de flores, fentos e xestas pola zona antes de cantar unhas pezas arredor de nenos e maiores.
Despois do maio haberá uns petiscos para repoñer forzas e encarar a foliada libre, que dará comezo ás 21.30 horas.
Como novidade, este ano o cartaz da foliada foi deseñado por unha intelixencia artificial, coas palabras clave, nenos, nenas, flores de maio, paisaxe galega.
