A candidata de Cs, Olga Louzao, anunciou o seu plan municipal de vivenda que ten por obxectivo solucionar os problemas que experimenta Lugo nesta materia.
“Lugo é a terceira capital de provincia de España con máis vivenda baleira. Contamos ademais cun gran número de inmobles en estado ruinoso ou moi deteriorado cuxa habitabilidade é nula. Con todo o prezo da vivenda de segunda man e de alúguelos non para de subir, xa que a oferta é moi limitada. Propoñemos executar un programa de rehabilitación de inmobles con fondos europeos e facilitar o acceso ao alugueiro para mozos a través dunha linea de axudas para inquilinos e bonificacións fiscais para propietarios. Ademais no próximo mandato implantaremos un programa de convivencia interxeracional en colaboración coa USC, que permita a estudantes universitarios compartir vivenda con persoas maiores soas”, afirmou a candidata.
“O 20% do noso parque inmoble está baleiro e case un 40% teñen unha antigüidade superior a 40 anos. Un dos principios dunha cidade verdadeiramente sostible debe ser reutilizar e recuperar o existente. É vital para o futuro de Lugo recuperar vivenda para poder rexenerar zonas degradadas. Para iso queremos crear unha liña de axudas, que conte cunha partida orzamentaria propia, e que poida cubrir ata o 100% da rehabilitación para os inmobles destinados a primeira residencia en zonas degradadas. De forma complementaria apostamos por crear unha oficina de rehabilitación de vivendas na zona norte da cidade, que asista aos veciños no proceso de rehabilitación e tramite as distintas liñas de axuda. Desta maneira conseguiremos ampliar o parque de vivendas e rexenerar os nosos barrios á vez que fixamos poboación”, explicou Louzao.
“Esta medida compleméntase cunha partida creada nos orzamentos municipais para axudas ao alugueiro para mozos e bonificacións fiscais para os arrendadores coa Administración local como mediadora no proceso achegando garantías a ambas as partes.Moitas familias optan por residir en concellos limítrofes pola falta de oferta na o cidade. Debemos achegar solucións #ante a perda de atractivo como municipio”, relatou Louzao.
Plan de convivencia interxeracional
“Máis de 5.000 lucenses maiores de 65 anos viven sós. Doutra banda, ao redor de 3.500 mozos en idade universitaria cursan estudos na nosa cidade cada ano. A complicada situación socioeconómica, unido á escalada de prezos de alugueiro dificulta curso tras curso que moitas familias poidan sufragar os gastos derivados de enviar un fillo ou filla á universidade. Debemos entender estas dúas realidades como un problema social pero tamén como unha oportunidade para crecer como sociedade. Imos poñer en marcha o noso plan de convivencia interxeracional en colaboración coa USC onde estudantes e persoas maiores que así o desexen poidan compartir vivenda durante o curso”, explica Louzao.
