Gran expectación no Campo da Feira para desfrutar da cuarta edición do Slalom Concello de Guitiriz Gran Premio Ruta da Auga, segunda cita do calendario do Campionato Galego de Slalom e organizado conxuntamente coa Escuería Scratche Fene.
Iván Picallo, da escudería Moeche, foi precisamente o gañador da proba deste sábado tras impoñerse ao 48 pilotos presentes cun crono na primeira manga de 1.40.333, o único que baixou de 1.41.
A segunda praza correspondeu ao Manuel Trevín Rego, de Automóvil Club As Pontes, cun tempo de 1.42.535. Pechou o podio David Santos García, da escudería Galicia MotorSport, con 1.44.036 de marca.
Nesta cuarta edición alcanzouse o récord de persoas inscritas, cun total de 48 participantes nas diferentes categorías. Repartiranse 1.230 euros en premios.
A categoría feminina, con cinco participantes, estivo liderada por Mariquiña Chao, de Moeche. Ademais, Luis Toimil fíxose coa copa de debutantes e Rubén Gandoy Piñeiro coa de iniciación.