O Goberno local do Vicedo adxudicou por 17.000 euros a creación dunha escaleira e outras melloras no acceso ao Fuciño do Porco para así garantizar un acceso provisional e seguro durante este verán.
Segundo o alcalde, Jesús Novo, a actuación comezará a vindeira semana e realizarase con caracter urxente para que esté totalmente rematada en xullo. Trátase dunha solución provisional, posto que a Autoridade Portuaria Ferrol-San Cibrao traballa nun proxecto de carácter permanente.
A Autoridade Portuaria Ferrol-S.Cibrao, a entidade con competencia na zona afectada, deseñou unha ponte colgante sen apoios intermedios e unicamente suxeitada no istmo e nun punto firme do camiño de entrada onde se colocarían bases de formigón.
